Stadt & Geschichte

Der Züri-Roadtrip – Geheimnisvolle Seen

Wenn man nicht in die Ferne reisen sollte, dann ist das die Gelegenheit, die Region zu erkunden. Wir haben es gemacht.

Mit einem Camper von Ruckstuhl Garagen machen sich unsere Reporter-Brüder Yves und Remo Müller auf den Weg und stellen Orte mit Geschichte vor, die alle in weniger als einer Stunde von Zürich aus zu erreichen sind. In der ersten Folge zeigen wir, warum für den Bau des Sihlsees Menschen ihre Heimat verlassen mussten und warum Einheimische sich nicht über den Glarner Oberblegisee zu schwimmen getrauen.

Die beiden Sagen aus dem Video

Dr Geisser am Oberblegisee
Uf Oberblegi isch e See. Wo ds Wasser ine chunnt, gsiit me, aber wo ases uselauft, het me erscht gmerggt, wo dr Leuggelbacher Geisser gmeint het, er mües chrüüzwys drüberübere schwimme. Dr Puur i dr Hütte het ems gweert:

«Bis ke Narr, mä törf Gott nüd versueche, staat i dr Gschrift.» Aber dr Geisser git umme: «Sigs etz em Herrgott lieb oder leid, so wil ich übere!»

Dr Puur tänggt: «Nu sine?» und lueget em zue, wen er schwimmt. Schier wäär er dänne gsii, da ninnts ne uf eimaal abe. Und de selb Stund holt sini Muetter im Leuggelbach Wasser. Was meined er, as ere i d Gelte ggumpet isch? Dr Chopf vu irem Bueb, wo übere See het welle schwimme.

Ds Vrenelisgärtli
Es isch emaal en übermüetigi Jumpfere gsii, de het Vriine gheisse. De het gmeint, si chäm zoberscht uf em mittlere Gläärnisch e Gaarte mache. D Lüüt heid si gwaarnet und heid züenere gseit:

«Me törf Gott nüd versueche!» Sii aber het gseit: «Und ietz guu-n-ich gad z Tratz ufe, sigg’s em Herrgott z lieb oder z leid.»

Due ninnt de Jumpfere, es isch e bäumigstarchs Meitli gsii, e groosses Sännechessi übere Chopf, as si nüd nass weerdi, wänns chäm gu schnye. Wo si aber dobe gsii isch, hets e soo raass aafi fogge, as d‘Vriine ds Chessi vor Schweeri gaar nümme het chänne abzie. Dr nass, schwäär Schnee het das Meitli z Bode truggt, und es isch ganz iigschnyt woorde.

Me gsiit uf em mittlere Glärnisch ietz nuch vu wyt umme e chlyses vierggeggets Schneefeld. D Lüüt säged em ds Vreenelisgäärtli, wil de übermüetig Gäärtneri drunder begrabe lyt.

Anzeige